Марий Элыште школ-влакым чоҥат. — 8 июля 2026 г. в 08:34:17.841
Марий Элыште школ-влакым чоҥат. 9А микрорайонышто подрядчик школым леведаш тӱҥалын. Тиде объектым «Молодежь и дети» нацпроект да партийын программыже дене ыштат. Вес ий 1 сентябрьыште школ шке омсажым почшаш. Тений 6А микрорайонышто школым чоҥаш тӱҥалыныт. Идалык мучаш марте «Синяя птица» гимназийын корпусшым ыштен шуктышаш улыт. «Тиде неле объект», - возен Юрий Зайцев шке социал кыл каналлаштыже. Тудым 2021 ийыште чоҥаш тӱҥалыныт, но подрядчикын удан пашам ыштымыжлан кӧра чоҥымаш шогалын. Кызыт паша кая, школ воктене кумдыкым тӱзатат. Килемар кундемысе Кугу Памъялыште йочасад группо дене пырля школым ыштен шуктеныт манаш лиеш, шыжым объектым сдатлышаш улыт. Волжск олаште 6-шо номеран школым чоҥымо йодышым регион вуйлатыше тӱткышыштӧ куча, подрядчикым ойыреныт, тиде арняште пашам тӱҥалшаш улыт. (📸 Марий Эл Вуйлатышын пресс-службыжо)