Марий Элын 6 кундемыштыже вӱд сетьым тӧрлат. — 16 июля 2026 г. в 14:02:33.359
Марий Элын 6 кундемыштыже вӱд сетьым тӧрлат. Республикысе Чоҥымаш да ЖКХ министерствыште палдарат, кызыт пашаеҥ-влак икмыняр вере тыршат. Волжский кундем Эмековышто специалист-влак скважине-влакым пролат, тыгак обезжележиваний станцийым вераҥдат, тиде вӱдын качествыжым саемда. Звенигово район Суслонгерыште – вӱд системын комплексный реконструкцийже. Советский поселкышто Первомайский да Советский уремлаште тоштемше вӱд пучым алмаштат, Шернур район Заводской уремыште канализационный коллекторым капитально тӧрлат. Козьмодемьянскыште оласе инженер сетьым уэмдат, Юрино районышто Быковка ялыште да Юрино поселкышто вӱд снабженийлан да вӱдым колташ у линий-влакым шупшыт. Ведомствышто пашан кӱкшӧ темпшым палемдат. Тӱҥ задаче – улшо объект-влак гыч утларакшым тений идалык мучаш марте ыштен шукташ, эше 2 объектым 2027 ийыште сдатлат. (📸 Республикысе Чоҥымаш да ЖКХ министерствын тӱшкаже гыч налме)