Марий Эл Вуйлатыше Юрий Зайцев Волжский округыш да Волжск олаш миен. — 23 июля 2026 г. в 08:14:07.781
Марий Эл Вуйлатыше Юрий Зайцев Волжский округыш да Волжск олаш миен. Еҥ-влакым шуко йодыш тургыжландара: социал объект-влакым чоҥымаш, корным ыштымаш. Регион вуйлатыше тидлан эреак тӱткышым ойыра. Юрий Зайцев Приволжский поселкышто «Таза Республик» проект дене «Тазалык кечыште» лийын, еҥ-влак денат, медицин пашаеҥ-влак денат вашлийын. Тидын дене пырля вуйлатыше Северный микрорайонышто бульварым чоҥымо верыште лийын. Волжск олаште 6-шо номеран школым чоҥаш тӱҥалыт, кызыт подрядчик тошто, аварийный оралтым пужа, вара тудын олмыштыжо у тунемме верым ышташ тӱҥалеш. Кундемыште вуйлатыше еҥ-влак, депутат-влак дене улшо йодыш-влак шотышто мутланен.
120 просмотров