Волжск олаште Северный микрорайонышто Либкнехт да Прохоров уремыште бульварым ыштат. — 24 июля 2026 г. в 11:32:20.173
Волжск олаште Северный микрорайонышто Либкнехт да Прохоров уремыште бульварым ыштат. Тиде паша «Инфраструктура для жизни» нацпроект дене келшышын, оласе средам саемдыме Россий кӱкшытан конкурсышто сеҥымеке, шукталтеш. Конкурс кодшо ий августышто лийын. Кызыт объект 20% ямде. Чоҥышо-влак тошто бетон покрытийым, кӱртньӧ печым кораҥденыт. Площадкыш мландым конденыт, у бордюрым вераҥденыт. Кайыме пашам регион вуйлатыше Юрий Зайцев аклен. Проект дене келшышын, тиде вер шуко функциян лиеш. Тушто йолын кошташ маршрутым, велосипед дене кошташ корным, спорт да йоча площадке-влакым, каныме верым, амфитеатрым, пайремым эртараш сценым ыштат. Воктен улшо кумдыкымат тӱзатат, тидлан бюджет гыч ешарен 3 миллион наре теҥге ойыралтеш, тудын дене Шестаков уремым тӧрлат.