Сонар лимитым пеҥгыдемденыт. — 24 июля 2026 г. в 09:33:20.552
Сонар лимитым пеҥгыдемденыт. Юрий Зайцев указыш кидпалыжым пыштен. Тудын дене келшышын тений 1 август гыч вес ий тыгак жап марте мыняр янлыкым сонарлаш лиеш, иктешленыт. Шордо да маскан шукеммыжлан кӧра, нуным сонарлыме лимит шукемын, палдареныт пӱртӱс поянлык департаментыште. Ик ий жапыште 633 шордым, 182 маскам, 2 шурмаҥшым, 24 нергем сонарлаш разрешенийым пуат. Республикысе чодыралаште 8940 шордо ила, 955 маскам учетым эртарыме жапыште шотленыт.
94 просмотров