Шернур рӱдӧ эмлымверыш «Земский доктор» программе дене анестезиолог-реаниматолог Алекса... — 24 июля 2026 г. в 09:04:13.413
Шернур рӱдӧ эмлымверыш «Земский доктор» программе дене анестезиолог-реаниматолог Александр Соловьев пашаш толын. Тиде программе «Продолжительная и активная жизнь» нацпроект дене илышыш пура. Александр Васильевич Соловьев – опытан врач, палдарат тазалыкаралтыш министерствыште. Тудлан у пӧртыштӧ пачерым пуэныт, вич ий жапыште тудо Шернурышто пашам ыштышаш. Тений «Земский доктор» да «Земский фельдшер» программе дене Руэм врачебный амбулаторийыште Олеся Кузнецова пашам ышташ тӱҥалын, Картук ФАП-ыш Анна Когаринова толын. Эше кок врач лишыл жапыште шке пашаштым тӱҥалыт: Медведево рӱдӧ эмлымверыште – стоматолог, Оршанкыште –участковый педиатр. «Земский доктор» программе дене тений невролог, участковый терапевт, хирург, гинеколог, инфекционист, кардиолог, ЛОР-врач, психиатр, офтальмолог пашам тӱҥалшаш улыт. «Земский фельдшер» программе дене Звенигово, Марий Турек, Медведево, Килемар да Шернур кундемыште ФАП-влакым вуйлатыше-шамыч толшаш улыт. Тений чылаже 18 врачым да кокла медицин шинчымашын 7 специалистшым пашаш налыт. (📸 Республикысе Тазалыкаралтыш министерствын тӱшкаже гыч налме) #активнаяжизньнацпроект #нацпроектактивнаяжизнь