Медведево рӱдӧ эмлымверын йоча отделенийжылан «Еш» нацпроект дене «мобильный поликлиник... — 29 июля 2026 г. в 10:38:01.040
Медведево рӱдӧ эмлымверын йоча отделенийжылан «Еш» нацпроект дене «мобильный поликлиникым» налыт. Тудын дене медицин тергымашым, диспансеризацийым эртараш тӱҥалыт. Комплекс автономный режимыште пашам ыштен кертеш, тудо тыгак участковый больнице, врачебный амбулаторий да ФАП-лашке лекташ тӱҥалеш. «Мобильный поликлиникым» оборудований дене пойдарат. Тудым «Газель» автомашина негызеш келыштарат, тушто 49 единице оборудований лиеш, ты радамыште –ультразвуковой аппарат-влак. Медведево рӱдӧ эмлымверыште 18 тӱжем утла икшыве-влакын тазалыкшым тергат. (📸 Республикысе Тазалыкаралтыш министерствын тӱшкаже гыч налме) #нацпроектсемья #семьянацпроект
122 просмотров