Оршанка районышто турист объект-влак деке нацпроект дене корным тӧрлат. — 29 июля 2026 г. в 09:02:20.263
Оршанка районышто турист объект-влак деке нацпроект дене корным тӧрлат. Кызыт Марково-Изинур автомашина корным ыштат. Подрядный организаций «Инфраструктура для жизни» нацпроект дене тиде пашам шукта. Чылаже 3 километр наре кужытым уэмдышаш улыт. Тачысе кече марте корно пашаеҥ-влак асфальтобетонын ӱлыл лончыжым пыштеныт. Лишыл жапыште специалист-влак кӱшыл ужашым шарат да корно тӱрым пеҥгыдемдат. Верысе калык тиде корным вуча, шукышт тудын дене район рӱдыш але паша верыш миен шуын кертыт. Марий Эл Вуйлатыше Юрий Зайцев палдарен, тиде корно ты кундемыште илыше-влаклан веле огыл, турист-влакланат кӱлеш. Тудын дене каныме базе, храм, часамла, купель деке миен шуаш лиеш.
125 просмотров