Марий Элыште нацпроект почеш С гепатитан 170 пациентлан полышым пуымо. — 5 августа 2026 г. в 12:27:06.012
Марий Элыште нацпроект почеш С гепатитан 170 пациентлан полышым пуымо. Тазалыкаралтыш министерствын данныйже почеш амбулаторный условийыште 58 еҥ эмлалтме курсым тичмашнек эртен. Тиде тӱшкаш пурышо еҥ-влаклан вирус ваштареш кучедалше препаратым налаш федерал бюджет гыч 32 миллион теҥге наре колтымо. Эше 113 еҥ кечывал стационарыште эмлалтын. Тазалыкаралтыш министр Владимир Гладневын мутшо почеш скринингым эртарымылан кӧра сай лектышыш шумо. Ӱмаште диспансеризаций почеш С гепатит вируслан тестированийым план дечын кок пачаш шукырак авалтыме. Теният шымлымашым план дечын шукырак эртарыме. "Тестирований «Борьба с гепатитом С» федерал проект почеш шукталтеш. Тиде черым чактараш вирусын антителажлан скринингым эрташ калыкым утларак ушыман. Тыгак калыклан тиде чер нерген гына огыл, а тудым кузе пален налаш да эмлаш лийме нерген ойлыман", - палемден регионысо тазалыкаралтыш министр.