Юрий Зайцев Марий Элыште йоча-влаклан бензиным ужалаш чарыме нерген законыш кидпалым пы... — 5 августа 2026 г. в 11:22:19.754
Юрий Зайцев Марий Элыште йоча-влаклан бензиным ужалаш чарыме нерген законыш кидпалым пыштен. Ынде ийготыш шудымо-влаклан бензиным рознице дене ужалаш ок лий. Исключений семын «А1» да «М» категориян праван самырык-влаклан шке транспортыш бензиным темаш лиеш. У правил йоча-влак коклаште ДТП-ште эмганымаш шукеммылан кӧра ышталтын. Законыш вашталтышым прокуратурын инициативыж почеш пуртымо. Амалже – тургыжландарыше статистике. Ӱмаште республикысе корнылаште мототехникым виктарыше йоча водитель-влаклан кӧра 23 корнытуткар лийын. Ончылий дене таҥастарымаште тиде чот 43 процент утлалан шукемын. Законым пудыртымылан – кугу штраф. Ийготыш шудымылан бензиным ужалымылан кассирлан 3 гыч 5 тӱжем теҥге марте тӱлыктен кертыт. Должностной лицалан – 30 гыч 50 тӱжем теҥге марте, юридический лицалан – 100 гыч 150 тӱжем теҥге марте.