Республикына мучко «Продвижение безопасности» лӱман российысе акций эрта. — 20 августа 2026 г. в 12:21:16.563
Республикына мучко «Продвижение безопасности» лӱман российысе акций эрта. Кугыжаныш автоинспекцийын палдарымыже почеш, тиде акций корно лӱдыкшыдымылыклан пӧлеклалтын. Статистике почеш кажне нылымше корно азап корнывожышто – перекрёсток манмаште лиеш. Ӱмаште кундемна мучкой тыгай корноазапын чотшо 227-ыш шуын. Корнывожлаште лийше азап 19 еҥын ӱмыржым кӱрлын, тышеч 9-же – йоча. 320 еҥ эмганен. Тӱҥ шотышто тыгай верлаште корно азап транспортым колтымо правилым пудыртымылан але дистанцийым кучен моштыдымылан лиеда. Корнывожлаште йолешке-влакымат чӱчкыдын тӱкат. Ӱмаште лийше тыгай 80 случай гыч 73-штыжо титакан лач машинам виктарыше лийын. «Продвижение безопасности» социал кампаний кышкарыште тачысе кечылан автошколлаште лекций-влак эртаралтыт. А у тунемме ий тÿҥалмеке, профилактик сынан мероприятий дене йочасадлаш, школлаш да моло туныктыш тöнежлаш лектедат. Тиде кампаний Российын 40 регионыштыжо 1 декабрь марте эрта.