Спецоперацийын ветеранже, «Герои Марий Эл. Талешке-влак» программын выпускникше-влак на... — 27 августа 2026 г. в 12:27:08.052
Спецоперацийын ветеранже, «Герои Марий Эл. Талешке-влак» программын выпускникше-влак налме опытыштым пашашышт кучылтыт. Нуно кучем органлаште, мер организацийыште, спорт, патриот воспитаний сферыште, сарзе комиссариатлаште пашам ыштат. Тыге Роман Возняк СВО ветеран-влакын ассоциацийыштым вуйлата. Владислав Шеин Козьмодемьянскыште самырык-влакым сарзе-патриот могырым шуарыме шотышто рӱдерын заведующийже, Альфред Нурмухаметов Волжск округ администраций вуйлатышын алмаштышыже, Обшияр территориальный пӧлкам вуйлата. Александр Смирнов - Марий Эл Кугыжаныш Погын председатальын алмаштышыже, Андрей Черепанов- спорт министрын алмаштышыже, Руслан Панин Морко районысо администрацийыште физический культур пӧлкам вуйлата. Николай Акулин да Станислав Рябчиков сарзе комиссариатлаште пашам ыштат. Марий Эл Виктер вуйлатышын икмыше алмаштышыже - регион ончылъеҥ администрацийын вуйлатышыже Лидия Батюкова палдарен: эше икмыняр участникым лишыл жапыште тӱрлӧ должностьыш пеҥгыдемдат.