Медведево поселкышто модульный библиотекым почыныт.
Медведево поселкышто модульный библиотекым почыныт. Тудо республикыште кудымшо, районышто нылымше уэмдыме книгагудо. Тудым «Еш» нацпроект дене келшышын шотыш конденыт. Книгагудо - кызытсе жаплан келшен толшо тӱвыра рӱдер. Тушто семинар, усталык вашлиймаш, лекций да мастарлык класс-влак эртаралташ тӱҥалын. Ыштыме пашам Марий Эл Виктер вуйлатышын алмаштышыже - тӱвыра министр Константин Иванов аклен. Чавайн уремыште у зданийым 2025 ийыште ыштеныт, модернизацийлан федерал бюджет гыч 15 миллион теҥге, 7 миллион муниципал бюджет гыч ойыралтын. Тиде окса дене техникым уэмденыт, интерьерым шотыш конденыт, книга фондым пойдареныт. Книгагудышто 36 тӱжем книга, тышечын 4 тӱжем у экземпляр. Тидын дене пырля тӧнежыште йоча-влаклан вер, мультимедийный кумдык улыт, книгагудо пашаеҥ-влаклан компьютер-влакымат уэмденыт.