«Лесная сказка» рӱдерыште «ушан» спорт объектым почыныт.
«Лесная сказка» рӱдерыште «ушан» спорт объектым почыныт. Тудым «Бизнес-спринт» федерал проект дене ыштеныт. Тиде спорт плошадке моло дечын цифровой технологий дене ойыртемалтеш, тушто тренер дечын посна ямдылалташ лиеш. Площадкыште Wi-Fi сеть уло, тудо каныше-влаклан йӧнан. Объектым чоҥаш 2026 ийыште федерал да республикысе бюджет гыч 29 миллион теҥге ойыралтын. Тидын нерген туныктыш да шанче министерстве палдара. Спортплощадкыште спортын тӱрлӧ видше дене шуаралташ лиеш: баскетбол, волейбол, воркаут, тӱрлӧ тренажер-влак. Кеҥежым «Лесная сказка» лагерьыште 1000 наре икшыве, тыгак «Волгенче» рӱдер гочат ятыр йоча шуаралтын. У площадке каныше икшыве-влаклан, тыгак спорт дене шуаралтше-влакланат келшен толеш, - иктешлен туныктыш да шанче министр.