Татарстан Республик Агрыз район Буймо селаште кандашымше гана «Йоҥгалт, гармонь йӱк» фе...
Татарстан Республик Агрыз район Буймо селаште кандашымше гана «Йоҥгалт, гармонь йӱк» фестиваль эртаралтын. Марий Эл, Татарстан, Башкортостан, Киров, Удмурт кундемла гыч гармонист-влак мастарлыкым ончыктеныт. Тиде фестивальлан тӱҥалтышым чолга мер пашаеҥ, Агрыз районысо калыкле тӱвыра автономийым вуйлатыше Владимир Дмитриевич Кибатов, верысе администраций вуйлатыше Эдуард Иванович Михайлов, школ да тӱвыра пашаеҥ чот тыршеныт. Каласыман, Татарстаныш «Марий книга издательстве» савыктыш пӧрт миен, пашаеҥ-влак Бим ял шотан кундемыште марий-влак дене вашлийыныт. Савыктыш пӧртын вуйлатышыже Эдуард Иманаев Марий книга издательствын 100 ийже дене палдарен, книгам пӧлеклен. Тидын дене пырля фестивальыш толшо-влакат марий кундемыште савыктыме книгам налын кертыныт.