Йошкар-Олаште «И краткая» фестивальын фильмже-влакым эше ик гана ончаш лиеш.
Йошкар-Олаште «И краткая» фестивальын фильмже-влакым эше ик гана ончаш лиеш. С. Чавайн лӱмеш калыкле книгагудо кинофестивальын площадкыже лиеш. Тудын жапыште игровой да документальный кино номинацийыште ойыртемалтше фильм-влакым эше ик гана аклаш лиеш. 23 сентябрьыште книгагудын конференц-залыштыже 17:30 минутлан, 26 сентябрьыште 12:00 шагатлан, 27 сентябрьыште 12:00 шагатлан ончаш лиеш. Могай фильм-влак лийыт, фестивальын интернет порталыштыде палыме лияш йӧн уло. Тиде фестиваль Тӱвыра инициативылан полшышо президент фонд, кинематографийлан полшышо фонд, Марий Эл Правительствын полшымыжо дене эртаралтеш.
176 просмотров