Марий Элыште сентябрьыште, август тылзе дене таҥастарымаште, потребительский сатулан ак...
Марий Элыште сентябрьыште, август тылзе дене таҥастарымаште, потребительский сатулан ак 0,2% шергештын. Тидым Маристат иктешлен. Кочкыш сату коклаште пареҥгын, кешырын, ковыштан акше кокла шот дене 20% волен, виноград 16,3% шулдештын. Тидын годым пакчасаска да сакса, емыжлан сатун акше чумыржо 6,2% волен. Муно 8,2 %, пырчан да отызан сату 4,5%, ушкал ӱй 2,7% шергештыныт. Продовольственный огыл сату нерген ойлаш гын, связь 9,1%, ужга-влак 4,1% шергештыныт. Бензинлан ак, кодшо тылзе дене таҥастарымаште, 0,5%, дизельный топливо 1,7% волен. Туныктымаш суаплык 11,1%, тоштерыште да выставкылаш билетын акше 16,4% шергештыныт. Тидын дене пырля, экскурсий дене кайымылан суаплык 11,4%, Российын Шем теҥыз серышке каныш каяш ак 21,6% волен.
92 просмотров