Килемар эмлымверыште ӱдырамаш-влак у маммограф дене тергалтын кертыт.
Килемар эмлымверыште ӱдырамаш-влак у маммограф дене тергалтын кертыт. Тудым «Продолжительная и активная жизнь» нацпроект дене налыныт. Ты марте Килемарыште веле , моло райрӱдӧ дене таҥастарымаште, тыгай аппарат лийын огыл. Ӱдырамаш-влак Медведево рӱдӧ эмлымверын куснылшо медицине комплексше дене тергалтыныт, але нуным 80 километр тораш, Йошкар-Олаш, Республикысе онкологий диспансерыш колтеныт. Кызыт районысо рӱдӧ эмлымверыште модернизаций программе дене икымше пачашым тӧрлат. Тидлан 76 миллион теҥге ойыралтын. Пашам мучашлымеке, маммограф дене тергалташ лиеш. Тачысе кечын районышто 5,6 тӱжем ӱдырамаш ила. Тений «Продолжительная и активная жизнь» нацпроект дене сарын ветеранже-влакым эмлыше клинический госпитальлан да Волжск рӱдӧ эмлымверлан кок рентген аппаратым налыныт, тыгак госпитальым МРТ аппарат дене пойдареныт. Фото: vk.ru/minzdravrme