Республикыш грипп дечын вакцинын икымше партийжым конденыт.
Республикыш грипп дечын вакцинын икымше партийжым конденыт. Тудым федерал бюджет кӱшеш налыныт. Ты радамыште: «Совигрипп», Флю-М да «Ультрикс квадри». Прививкым йоча-влакланат, кугыеҥ-влакланат шындаш тӱҥалыт. Вакциным республикын медицине организацийлашкыже колтеныт. Тидын нерген Роспотребнадзорын республикысе виктемже палдара. Тидын годым регионышто ОРВИ дене черланыше-влакын чотышт шукемеш. Эртыше арняште 2,7 тӱжем случайым регистрироватлыме. Тиде тылеч ончычсо шым кече дене таҥастарымаште, кумшо ужашлан шукырак. Черланыше-влакын чотышт шукемеш гын, эпидемий кӱкшыт республикыште шуын огыл. Грипп кызытеш мемнан кундемыште уке, палдарат специалист-влак. Вирус-влак коклаште парагрипп, риновирус да аденовирус вашлиялтыт.
167 просмотров