Шоя-Кузнецово ял воктене маскам ужыныт.
Шоя-Кузнецово ял воктене маскам ужыныт. Специалист-влак тидым янлык-влакын телылан ямдылалтмышт да кочкышым кычалме дене умылтарат. МЭТР телеканалын редакцийышкыже ты кундемыште илыше видеом колтен. Кадрыште маскан ял воктене коштымыжо коеш. Пӱртӱс поянлык департаментын палдарымыже дене, тиде пытартыш арнялаште ик тыгай случай веле огыл. Марий Элыште, чумыр эл семынак, маскан чотшо шукемеш. 2025 ийыште 928 маскам шотленыт гын, 2026 ийлан 955 маска улмо нерген палдарат. Тидын шотышто регионысо кучем маскам сонарлыме лимитым 182 марте кугемден, кодшо ийын 120 лийын. Специалист-влак палдарат, ял да еҥ-влакын илемышт деке шукыж годым ава дечын ойырлышо 2-3 ияш маска толеш. Ава маска маскаигыже дене кугу лӱдыкшым ышта. Тыгай годым ни маска, ни тудын игыже деке лишемман огыл, палдарат специалист-влак. Янлыкым ужмеке, чот кугу йӱкын кычкырыман, шӱшкыман, икманаш лӱдыкшыдымылыкым эскерыман. https://vk.ru/wall-34641728_154369