Я. Эшпай лӱмеш Марий кугыжаныш филармонийыште «Марий шыже» фестиваль тӱҥалын.
Я. Эшпай лӱмеш Марий кугыжаныш филармонийыште «Марий шыже» фестиваль тӱҥалын. Тиде фестивальын историйже 1980 ийла гыч тӱҥалтышым налеш. Тиде жапыште сценыште Эдуард Хиль, Лев Лещенко, Алла Пугачева да молат мастарлыкыштым ончыктеныт. Эртыше каныш кечылаште фестивальын программыжым Нижегородский кугыжаныш филармонийын академический симфонический оркестрже почын. 26 сентябрьыште А. Искандаров лӱмеш Марий кугыжаныш капелле мураш тӱҥалеш, тудлан «Марий кундем» калык семӱзгар оркестр шокта. Тиде концерт марий профессионал музыкылан тӱҥалтышым пыштыше Иван Ключников-Палантайын шочмыжлан 140 ий теммылан пӧлеклалтеш.
161 просмотров