Йошкар-Олаште Водопроводный уремыште корным чоҥат.
Йошкар-Олаште Водопроводный уремыште корным чоҥат. Красноармейская Слобода гыч Шернур тракт марте пашам шуктат. Проектым кок этап дене ыштат. Объектын кужытшто - ик километр наре. Пашам улшо проект смете документаций дене келшышын ыштат. У корнышто ныл полоса лиеш. Тиде участкыште корным волгалтарат, остановко павильоным ыштат, тыгак йӱклан чаракым ыштыше экран-влакым келыштарат. Кызытсе жап марте Шернур тракт могыр гыч асфальтым шареныт. Тений корным тӧрлымӧ тургымышто кок слой асфальтобетоным шарат, а вес ийын кӱшыл лончым пыштат.
167 просмотров