Марий Эл гыч хирург «Человек труда» калыкле премийын регионысо этапыштыже сеҥен.
Марий Эл гыч хирург «Человек труда» калыкле премийын регионысо этапыштыже сеҥен. Тудо Медведево рӱдӧ эмлымверын хирургий отделенийын заведующийже, «Еш паша династий» номинацийыште ойыртемалтын. Евгений Еплов 2001 ий гыч Медведево рӱдӧ эмлымверыште пашам ышта, 2006 ий гыч хирургий отделенийым вуйлата. Пашам ыштыме жапыште опытан пашаеҥ семын шкенжым ончыктен. Епловмытын династийышт коваж гыч тӱҥалеш, тудо 40-ше ийлаште Волжск рӱдӧ эмлымверыште акушеркылан пашам ыштен, сар жапыште эвакогоспитальыште, Звенигово район да Кужмарий участковый больницылаште тыршен. Евгений Геннадьевичын ачажат врач лийын, 50 ий наре тыршен, аваже тыгак 40 ий утла педиатрлан пашам ыштен. Епловмыт династий 150 ий утла медициныште. «Человек труда» премийын финалже Москваште 1 декабрьыште лиеш.