Николай Рерихын произведенийжын выставкыже Республикысе тӱссымыктыш галерейыште почылтын.
Николай Рерихын произведенийжын выставкыже Республикысе тӱссымыктыш галерейыште почылтын. Экспозицийым Руш музейын фондшо гыч конденыт, тушто 89 радына. Николай Рерихын лӱмжӧ палыме. 1960 ийлаште лӱмлӧ сӱретчын Юрий эргыжын мутшо дене 350 произведенийжым конденыт. Нунын гыч икмыняржым у выставкыште ужаш лиеш. Каласыман, Руш музей мемнан галерейыште ятыр проектым конден. Николай Рерихын призведенийже-влакым ончыктымаш - шымше проект. Тений ноябрьыште Марий Элыште Руш музейын кечыже-влак эртат, тудо жапыштак уэмдыме паша дечын вара галерейын кумдыкшо кугемеш. Выставкым «Еш» нацпроект дене полшымыжо дене мемнан деке конденыт, тудо 24 январь марте пашам ышта.
129 просмотров