«МыВместе» тӱнямбал премийын регионысо этапыште сеҥыше-влакым саламленыт.
«МыВместе» тӱнямбал премийын регионысо этапыште сеҥыше-влакым саламленыт. Тиде премийым волонтер, поро пашам шуктышо-влаклан кучыктат. Республикысе этапыш 149 йодмаш пурен. Сеҥыше-влакым 12 номинацийыште ойырат. Марий Элыште, «Наставник года» номинацийыште диплом дене Марий Кугыжаныш университетын профессоржо Наталья Морова палемдалтын. «Волонтер года» номинацийыште «Сердце матери» ушемын координаторжо Тамара Авгученко. Сеҥыше-влак радамыште Коркатово лицейын тунемшыже Карина Краснова да туныктышыжо Валентина Николаевна Васильева, тыгак утарыше-влакын студент корпусышт, строительно-промышленный техникумын туныктышыжо да молат. Чыланат нуно социал проект дене пашам виктарат.
93 просмотров