Марий Эл Кугыжаныш Погынын науко, образований да самырык-влакын политикышт шотышто коми...
Марий Эл Кугыжаныш Погынын науко, образований да самырык-влакын политикышт шотышто комитет республикысе образований сферысе кадр йодыш, тыгак Коркатово лицейын интернатшылан келыштарыме корпусым чоҥымо шотышто каҥашен. Лицейыште 336 йоча тунемеш, тышечын 99 Морко, Медведево, Волжский да Звенигово кундемла, Йошкар-Ола, Волжск, Звенигово олала, Татарстан гыч школ пелен интернатыште илат. Тидын годым ӱдыр-влак интернатыште илат, тудо тӱҥалтыш школын зданийыштыже верланен, эрге-влак тошто школын зданийыштыже. Тудо кызытсе нормо да стандартлан келшен огеш тол. Школышто шинчымашым погышо-влаклан йӧнан лийже манын, лицей кумдыкышто модульный конструкций дене кок корпусым чоҥаш шонат. Тидлан проект-смете документаций уло. Туныктыш да шанче министерстве финанс министерствыш 2027 ийлан республикысе бюджет гыч тидлан оксам ойыраш йодмашым колтышаш. 2027 ийыште Коркатово лицйын зданийжым капитально тӧрлат. Тидлан 68 миллион теҥге ойыралтеш. Кугыжаныш Погынын комитетше идалык мучаш марте лицейыште выездной заседанийым эртараш пунчалын. Фото: vk.ru/club191480056