Москваште «Знание» Российысе обществын эртарыме школ тоштер-влакын Всероссийский конкур...
Москваште «Знание» Российысе обществын эртарыме школ тоштер-влакын Всероссийский конкурсыштышт сеҥыше-влакым суапландареныт. Сеҥыше-влак коклаште - Марий Эл гыч Йошкар-Оласе 17-ше номеран школ. Тудо экспозицийже-влакым вияҥдаш да уэмдаш оборудованийым налеш. Лауреат-влакын спискышт проектын сайтыштыже лиеш. Конкурс РФ Президент Владимир Путинын кӱштымыж почеш РФ Минпросвещенийын полшымыж дене эртаралтын. Йошкар-оласе 17-ше номеран школ историй тоштержым ончыктен да «Эн сай историй экспозиций» номинацийыште сеҥышыш лектын. Тоштер 2015 ийыште почылтын да школын, элын да кундемын историйыштым уша. Тыште тыгак XIX–XX курымласе «Сельский вестник» газетын подшивкыже, марий писатель А.Ф. Красноперовын «Мужские слёза» книгажын авторизоватлыме машинописьше, шун калык модыш, совет у ий модыш да Марий Элысе национальный костюм-влакын коллекцийышт аралалтыт. Школышто тунемше-влакын проектышт марий кӱслезе Тойдемар нерген шымлыме проектышт мемориал оҥам да музыкантлан у памятникым шогалтыме дене мучашлалтын. 2022 ий гыч ты школ Марий Эл гыч боец-влаклан гуманитар полышым пога. Фото: vk.ru/club_yu_a_i