Йошкар-Оласе кӱртньыгорно вокзалыште художественный пленэр лийын.
Йошкар-Оласе кӱртньыгорно вокзалыште художественный пленэр лийын. Усталык шотан акцийым Горьковский кӱртньыгорно сӱретче-плэнерист-влакын регионысо ассоциацийже дене пырля эртарен. Тудын участникше - 15 еҥ. Ты радамыште Йошкар-Оласе художественный училищын студент ден туныктышыжо-влак, И. Яковлев лӱмеш Чувашийысе кугыжаныш педагогический университетын художественный факультетшын студентше, Сӱретче ушемын самырык еҥже-влак. Шке пашаштышт нуно кӱртньыгорно вокзалын архитектуржым, вокзал воктене площадьым, толшо поездым, платформым, пассажир-влакым, станцийым ончыктеныт. Пашам нуно тӱрлӧ технике дене сӱретленыт. Чыла нине ыштыме паша-влакым вокзалын зданийыштыже вернисажыште ончыктат. Фото: vk.ru/pleinair_yoshkar_ola
105 просмотров