«Российысе марий-влак» федерал калыкле-тӱвыра автономий цифран сӱрет каталогым почын.
«Российысе марий-влак» федерал калыкле-тӱвыра автономий цифран сӱрет каталогым почын. Ты паша Российысе калык-влакын пашашт шотышто федерал агентствын «Цифровая культура» проект почеш шукталтын. Каталогышто чылаже 1865 картычке – 1865 сӱрет. Тиде – марий вургем, орнамент, тӱр, куэм, вуйчием, сӧрастарыш, этнографий фотосӱрет ден тоштерысе экспонат-влак. Тиде паша марий калыкнан поянлыкше дене утларак еҥлан палыме лияш полша, шымлызе, студент, кидмастар-шамычлан да марий тӱвыра дене кылым кучышо-влаклан шерге. Тыгак тиде паша самырык тукымым кугезына-влакын тӱвыраштым шымлаш кумылаҥда. Каталогым онлайн йӧн полшымо imagedataset.ru сайтыште ончаш лиеш. Тиде пашам В. Васильев лӱмеш Марий шымлыше институтын да Марий кугыжаныш университетын шанчызыже-влак пырля шуктеныт.