Марий Элыште илыше-влак «Калык участковыйым» ойыреныт.
Марий Элыште илыше-влак «Калык участковыйым» ойыреныт. Ик эн шуко йӱкым Россий МВД-н «Сернурский» муниципал отделын 5-ше номеран полиций пӧлкан кугурак участковый уполномоченныйже Иван Николаев поген. Тудын верч 5 тӱжем утла еҥ йӱклен. Кокымшо верыште Морко районысо уполномоченный Анатолий Михайлов. Кумшо верыште Йошкар-Ола гыч Максим Овчинников. Профессионал пайрем вашеш полицийын майоржо Иван Николаев Марий Эл дечын конкурсын финалышкыже кая. Иван Николаев кӧргӧ органлаште 2017 ий гыч службым эрта, тудын полномочийыштыже кум административный участке, тушто 20 утла ял ден селаште 8 тӱжем наре еҥ ила.
83 просмотров