Марий Элыште регионысо корнылаште 16 километр наре у волгалтарыме линийым шупшыныт.
Марий Элыште регионысо корнылаште 16 километр наре у волгалтарыме линийым шупшыныт. Республикыште корно лӱдыкшыдымылыкым кугемдыме паша умбакыже шуйна. Тудым «Инфраструктура для жизни» нацпроект дене келшышын илышыш пуртат. Ик объектше Кӱшнӱр ял воктене Шойбулак – Цибикнур – Тумер корно. Тушто тулым келыштареныт, остановко павильоным вераҥденыт ден тротуарым ыштеныт. Тыште у волгалтарыме участкын кужытшо - 400 метр. Марий Эл Вуйлатыше Юрий Зайцев палемден: кызытсе жаплан келшыше волгалтарыше системе-влак пычкемыш жапыште лӱдыкшыдымылыкшым, еҥ-влакын илыш качествыштым саемдат. Тылеч посна Звенигово – Шелангер – Морко корнышто, Шелангер посёлкышто участкым волгалтареныт. Капитально олмыктымо жапыште подрядный организаций светодиодан 48 светильникым вераҥден. У участкын кужытшо 1,5 километр наре лийын. Тений республикыште чылаже регион кӱкшытан искусственный волгалтарыме 19 километр линийым йӧнештараш палемдыме.