Тиде шуматкечын, 17 октябрьыште, Марий Элыште колледж да техникумлаште почмо омса кече ...
Тиде шуматкечын, 17 октябрьыште, Марий Элыште колледж да техникумлаште почмо омса кече эртаралтеш. Мероприятий 8-11 класслаште тунемше да нунын ача-аваштлан пӧлеклалтеш. Тушто профессионал образований дене палыме лийын кертыт. Радиоэлектронике отрасль дене Марий радиомеханический техникум, ялозанлык дене - Йошкар-Оласе аграрный колледж, чоҥымаш паша дене - Йошкар-Оласе строительный техникум, транспорт виктыш дене - Автодорожный техникум палдарат. Тиде кечын экскурсий, «Профессионалитет» программе дене палыме лиймаш вуча. Проектын амбассадоржо-влак шке опытышт дене да тиде программе дене тунеммашын лектышыже шотыштыжо палдарат. Фото: Марий Элысе туныктыш да шанче министерствын архивше.
115 просмотров