Оршанке районысо Пуялыште Кугу Отечественный сарыште вуйым пыштыше сарзе-влаклан уэмдым...
Оршанке районысо Пуялыште Кугу Отечественный сарыште вуйым пыштыше сарзе-влаклан уэмдыме памятникым почыныт. Пуял, Кокла Пуял, Изи Пуял да Покровский почиҥга ялла гыч Шочмо элым аралыше-влаклан пӧлеклалтше мемориалым верысе инициативылан полшымо программе дене уэмден тӱзатеныт. Ял калык проектым сайлан шотлен веле огыл, тыгак окса надыр денат полшен. Мемориалым почмо лӱмеш торжественный митинг лийын. Тушко Оршанке районым вуйлатыше Андрей Шабалин ушнен. Йошкар тасмам пӱчкаш да мемориалым почаш чап правам ялын старостыжо Валерий Козлов ден ялыште илыше Геннадий Марковлан пуымо. Фото: Оршанке район администраций.
112 просмотров