Пеҥгыде коммунал шӱкын переработкыжо нерген совещанийыште мутланеныт.
Пеҥгыде коммунал шӱкын переработкыжо нерген совещанийыште мутланеныт. Тудым Россий Правительстве Председательын алмаштышыже Дмитрий Патрушев эртарен, тушко регион вуйлатыше Юрий Зайцев ушнен. Марий Элыште идалык жапыште 159 тӱжем тонн шӱк погына. Мемнан республикыште 13 полигон пашам ышта, шӱкым сортироватлыше кок комплекс уло. Тидын годым «Экологическое благополучие» нацпроект дене Йошкар-Ола, Шернур, Волжск кундемыште шӱкым сортироватлыше ныл комплексым чоҥышаш улыт. Тыгак Медведево районышто комплексный объектым ыштат. Йошкар-Ола да Шернурышто генподрядчикын пашам удан ыштымыжлан кӧра график дечын вараш кондыныт. Концессионер-влак подрядчикым вашталтеныт. Районлаште нине объект-влакым ыштен шуктемымек, пеҥгыде коммунал шӱк дене кылдалтше йодыш республикыште рашемеш, палемден регион вуйлатыше.