Редакцийышке шӱлыкан увер пурен.
Редакцийышке шӱлыкан увер пурен. Марий Элын сулло журналистше Вячеслав Кольцовын шӱмжӧ кырымым чарнен. Тудо 40 ий утла радиовещаний службышто пашам ыштен. Вячеслав Анатольевич Морко районысо Изи Кушна ялыште шочын. Марий кугыжаныш университетын историй-филологий факультетыште тунемын, тидын дечын вара Марий радиошто пашам ыштен. Журналист гыч радиовещаний службын вуйлатышыже марте профессионал корным эртен. «Шым гана висе» мыскара передачыже дене тудым шукын паленыт, тыгак ятыр программын авторжо лийын. Вячеслав Кольцов - Марий Элын сулло журналистше, Российын почетан радистше. Калык шарнымаште уста журналист семын илаш тӱҥалеш. «Марий Эл Радион» коллективше Вячеслав Кольцовын илыш гыч кайымыжлан лишыл еҥже, ешыжлан чаманымашым ойла. Ешартыш увер: Вячеслав Анатольевич Кольцов дене чеверласымаш 28 октябрьыште 10:00 гыч 11:00 шагат марте Йошкар-Оласе моргын ритуальный залыштыже лиеш. Адрес: Больничный урем, 18А пӧрт.