Ульяновский областьыште лиймыже годым Юрий Зайцев Алексей Русских дене промышленный коо...
Ульяновский областьыште лиймыже годым Юрий Зайцев Алексей Русских дене промышленный коопераций да тӱвыра–гуманитар вашкыл нерген мутланен. Кок регион коклаште кыл уло. Мутлан, улшо келшымаш дене республике Димитровградысе радиологий да онкологий шотышто шанче-клинике федерал рӱдер дене кылым куча. Кодшо ийын тушко республике гыч 15 еҥым эмлалташ колтеныт, тений - 22, тышечын 17 еҥ эмлалтын. Юрий Зайцев тыгак ядерный технологий лицейыште лийын. Тудым «Образований» нацпроект дене ыштеныт, тушто 1200 еҥ тунемеш. Марий Эл да Ульяновский областьын пырля шуктымо икмыняр проектышт улыт. Мутлан, «Волгенче» да «Алые паруса» уста йоча-влаклан рӱдер коклаште келшымаш. Тӱвыра шотышто «Симбирские узоры» ансамбль Йошкар-Олаште мастарлыкшым ончыктен, а «Эрвел марий» Ульяновскыш миен. Тений декабрьыште Ульяновскысо драмтеатрыште Эрик Сапаев лӱмеш опер да балет театр «Екатерина Великая» оперым ончыкта. Марий Эл Ульяновский областьыш искусственный коваштым, тыгак упаковкым, поролоным да порошок сынан чиям колта. Туризм шотыштат кок регион коклаште кыл уло.