Тений Марий Элыште 13 километр корным волгалтареныт да 1280 знакым вераҥденыт.
Тений Марий Элыште 13 километр корным волгалтареныт да 1280 знакым вераҥденыт. Мемнан кундемыште «Инфраструктура для жизни» нацпроект дене пашам шуктат. Регион вуйлатыше Юрий Зайцев корнылаште лӱдыкшыдымылыклан кугу тӱткышым ойыра. Ик эн тӱҥ паша - ДТП-м шагалемдаш да шижтараш, корно участник-влаклан лӱдыкшыдымӧ йӧным ышташ. Транспорт министерстве корно инфраструктурым уэмдыме паша дене палдарен. Тений специалист-влак 8 километрыште барьер авыртышым ыштеныт, 1280 у корно знакым вераҥденыт, 1800 километрыште корнысо разметкым уэмденыт, 13 километр корным волгалтареныт, тыгак проекционный 9 вончакым келыштареныт, корнывожлаште кок светофор комплексым ыштеныт. Кызыт Ялпай ял воктене светофорым ыштат.
115 просмотров