Быйыл алтынньы 14 күнүгэр Саха сириттэн бастакы Социалистическай Үлэ Дьоруойа Роман Инн...
Быйыл алтынньы 14 күнүгэр Саха сириттэн бастакы Социалистическай Үлэ Дьоруойа Роман Иннокентьевич Константинов — Дьоруой Арамаан төрөөбүтэ 130 сылын бэлиэтиибит. Роман Иннокентьевич 1896 сыллаахха Чурапчы улууһун I Болугур нэһилиэгэр төрөөбүтэ. Кыра эрдэҕиттэн үлэҕэ үөрэммитэ, 1933 сылтан холкуоска сылгыһытынан, онтон 1938 сылтан сылгы пиэрмэтин сэбиэдиссэйинэн үлэлээбитэ. Кини салайар биригээдэтэ 1945 сылтан саҕалаан уһулуччу үрдүк көрдөрүүлэри ситиспитэ: кулун деловой тахсыыта 94,2%-тан 100%-ҥа тиийбитэ. 1947 сыллаахха 55 биэттэн 55 кулуну ылан рекорд олохтообута. Ол ситиһиитин иһин 1948 сыллаахха сахаттан бастакынан Социалистическай Үлэ Дьоруойун үрдүк аатын ылбыта. Дьоруой Арамаан уһун олоҕун тухары эдэр ыччаты аҕа көлүөнэ үгэстэригэр иитиигэ дьоһуннаах наставник быһыытынан биллэрэ. Кини 1949—1958 сыллардаахха Саха АССР Үрдүкү Сэбиэтин дьокутаатынан талылла сылдьыбыта, Чурапчы улууһун Бочуоттаах олохтооҕо буолбута. 2003 сылтан Болугур нэһилиэгин Амма орто оскуолата кини аатын сүгэр. Бэлэмнэнии белех оголоро сылгыьыттар сквердарыгар баран иитээччилэр бэлэмнээбит иьирэх сэьэргээьиннэрин иьиттилэр, нэьилиэк сылгыьыттарын туьунан билсэн кэллилэр