«Остуоруйанан инсценировка» күрэҕэ 11 №-дээх «Кыталык» оҕо сайдар киинигэр ситиһиилээхт... — 10 апреля 2026 г. в 03:02:10.581
«Остуоруйанан инсценировка» күрэҕэ 11 №-дээх «Кыталык» оҕо сайдар киинигэр ситиһиилээхтик ыытылынна! Муус устар 9 кнүгэр “Остуоруйанан инсценировка” күрэҕэ буолан ааста. Бөлөхтөр маннык остуоруйалары туруоран көрдөрдүлэр: 1. «Сир симэхтэрэ» — «Заюшкина избушка» 2. «Сулусчаан» — «Тала-таал эмээхсин» 3. «Куобахчаан» — «Кыһыл бэргэһэчээн» 4. «Тиинчээн» — «Үс сибиинньэ оҕото» 5. «Чэмчуук спас» — «Колобок» 6. «Чуораанчык» — «Дьиэ дьиэчээн» 7. «Кэскил» — «Грибочек-теремок» Дьүүллүүр сүбэ маннык киритиэрийдэринэн оҕолор туруорбут остуоруйаларын сыаналаатылар: 🔹 Оҕо таҥаһа-саба — бары кыттыылаахтар остуоруйа дьоруойдарыгар сөп түбэһэр таҥастары кэтэн, дьүһүннэрин толору арыйыылара; 🔹 Оонньуур маастарыстыба — оҕолор саҥалара чуолкай, хамсаныылара сөптөөх, сыанаҕа бэйэлэрин эрэллээхтик туттан-хаптан сылдьаллара; 🔹 Декорация уонна реквизит — туһаныллыбыт декорация оҥоһуута, тас көстүүтэ, остуоруйа ис хоһоонун толору арыйар гына оҥоһуллуута; 🔹 Сюжеты тутуһуу — остуоруйа ис хоһооно толору арыллыыта. Күрэх олус үрдүк таһымнаахтык ааста! Оҕолор остуоруйалары билэллэрэ, төрөөбүт тылларын баһылыыллара, айар дьоҕурдара көрөөччүлэри сөхтөрөрдө. Тэрээһин оҕолорго патриотическай иитиини биэриигэ, тылы сайыннарыыга, сиэри-майгыны иитиигэ уонна сайыннарыыга улахан суолталаах. Бары кыттыбыт оҕолорбутугар, сценарийы бэлэмнээбит, декорацияны оҥорбут иитээччилэрбитигэр, күрэҕи тэрийбит, ыыппыт педагогтарбытыгар улахан махтал!