Улуустааҕы «Бастыҥ учуутал-дефектолог-2026» күрэс — 19 марта 2026 г. в 11:12:54.649
Улуустааҕы «Бастыҥ учуутал-дефектолог-2026» күрэс Сунтаар улууһун үөрэҕириитин управлениетын көҕүлээһининэн логопед уонна дефектолог учууталларга “Бастыҥ учуутал-дефектолог-2026” Өрөспүүбүлүкэтээҕи күрэс улуустааҕы түһүмэҕэ түмүктэннэ. Кыайыылааҕынан Сунтаар нэһилиэгин «Кыталык» оҕо сайдар киинин логопеда Елена Андреева буолла. Иккис миэстэни Сунтаардааҕы коррекционнай оскуола-интэринээт логопеда Ольга Назарова, үһүс миэстэни Сунтаар нэһилиэгин «Чебурашка» оҕо сайдар киинин логопеда Сахаайа Архипова ыллылар. Кыайыылаахтарга итии-истиҥ эҕэрдэбитин тиэрдэбит. Сунтаар улууһун чиэһин көмүскүү Дьокуускайга кыттыыны ыла барар Елена Васильевнаҕа үрдүктэн үрдүк ситиһиилэри баҕарабыт!
128 просмотров