Балалар бакчасының зурлар төркемендә “Эколятлар – яшь табигатьне саклаучылар” Бөтенросс... — 23 апреля 2026 г. в 10:53:40.515
Балалар бакчасының зурлар төркемендә “Эколятлар – яшь табигатьне саклаучылар” Бөтенроссия фестивале кысаларында мавыктыргыч һәм файдалы чара уздырылды. Әлеге бәйрәмнең төп максаты – балаларда табигатькә сакчыл караш тәрбияләү, экологик культура формалаштыру һәм тирә-як мохитне саклауның мөһимлеген аңлату. Чара барышында балалар төрле уеннарда катнаштылар. Алар “Эколятлар” геройлары белән таныштылар, табигатьне саклау кагыйдәләрен искә төшерделәр, табигатькә зыян китермәү турында фикер алыштылар. Кызыклы биремнәр һәм уеннар аша балалар үзләренең белемнәрен ныгыттылар, үсемлекләрне һәм хайваннарны саклауның әһәмиятен аңладылар. Чара ахырында балалар табигатьне яратырга, аны сакларга вәгъдә бирделәр. Әлеге чара балаларда экологик аң формалаштыруга, табигатькә карата җаваплы мөнәсәбәт тәрбияләүгә зур өлеш кертте.