Билип алырынга артык эвес! — 10 апреля 2026 г. в 09:05:04.668
Билип алырынга артык эвес! Беш чүзүн кадактың утказы болгаш дес-дараалашкааның чуруму Беш өңнүг кадакты аал-оранынга шыгжаарга, ол аалга хамык кежик-буян үргүлчү доктаап, кандыг-бир хай-бачыттан ырадып, ажыл-агыйы чедиишкинниг, аарыг-аржык чок, аас-кежиктиг, бай-шыдалдыг, амыр-тайбың чоруурун илередип турар. Кадак бүрүзү өңнер аайы-биле дараазында утканы илередип чоруур: 1. Ногаан кадак – оран делегей; Кызыл кадак – от-көс; 3. Ак кадак - сүт; 4. Сарыг кадак – хүн; 5. Көк кадак – дээр. 5. Көк өңнүг кадакты дээрниң өңүнге дөмейлээр болгаш амыр-тайбыңны илередир, кандыг-бир хоралыг дайзынга удур камгалал болур. Көк кадакты ха-дуңмалары, төрел чону-биле чолукшурда ажыглаар. 4. Сарыг кадакты хамык багай чүүлдерни чайладыр, буян-кежик, эт-эдилел, алдар-ат дилээринге, сарыг шажынның лам башкылары-биле чолукшур үеде ажыглаар. Өске улуска сарыг кадак сунмас. 3. Ак кадактыа аа сүдүнге дөмейлеп, сеткили арыг, буян-кежик доктаап чоруурун илередип, хамык караңгы, багай чүүлдерни чайладыр, аарыг-аржыктан, доткар-моондактан, оор-суктан чайладыр, сактып бодаан күзели бүдер деп санаар. Ак кадакты эң-не чоок, хүндүлээн улуска сунар. 2. Кызыл кадакты аал-оранының от-көзү үргүлчү арыг, амыдыралы эки чоруурун илередип болур. Кузел бодалын бүдүреринге болгаш шажынның тускай ёзулалдар үезинде ажыглаар. Анаа улуска кызыл кадак сунмас. 1. Ногаан кадакты амылыг бүгү чүүл өзүп көвүдээрин илерелир болгаш сарыг шажынның беш мага-ботка хамаарышкан тускай ёзулалдарынга ажыглаар. Анаа улус-биле ногаан кадак тудуп чолукшувас. Дес-дараалашкааның аайы-биле эң-не кырынга көк, көктүң адаанга сарыг, сарыгның даанга ак, актың адаанга кызыл, кызылдың адаанга ногаан кадак турар. Хоолгалаан