Ыам ыйын 22 күнүгэр, Күн Өркөн ыраас күнүгэр, "Кэрэчээн" оҕо дьыссаата дьоҕус ыһыах түһ... — 22 мая 2026 г. в 09:16:39.179
Ыам ыйын 22 күнүгэр, Күн Өркөн ыраас күнүгэр, "Кэрэчээн" оҕо дьыссаата дьоҕус ыһыах түһүлгэтигэр кубулуйда. Оҕолор, иитээччилэр бары бииргэ мустан, кэрэ айылҕаны, сайыны көрсөн үөрүү-көтүү бөҕө буолла! Бырааһынньык сахалыы үгэһинэн, Уот Иччитигэр алгыс этииттэн саҕаланна. Алгысчыт ыраас санаанан оҕолорбут кэскиллэрин, доруобуйаларын, үтүө олохторун туһугар күүстээх тыллары эттэ. Салгыы оҕолор бэйэлэрин талааннарын көрдөрөр, кэнсиэр буолла. Чэпчэки үҥкүүлэринэн, араас сахалыы үнүстүрүмүөннэргэ оонньоон сөхтөрдүлэр. Олоҥхоҕо анаммыт нүөмэр оҕолору эрэ буолбакка, улахан дьону эмиэ абылаата. Кэнсиэр кэнниттэн спортивнай күрэхтэһиилэр саҕаланнылар. Оҕолор "Мүһэ былдьаһан", "Түргэн сүүрүүгэ", күүстэрин холоһон, саха оҕото эрчимнээх, чэгиэн буоларын көрдөрдулэр. Күрэхтэһии улахан интэриэһи уонна үөрүүнү үөскэттэ. Бырааһынньык чаҕылхай түгэнинэн группалар икки ардыларыгар буолбут "Түһүлгэ күрэҕэ" буолла. Хас биирдии группа бэйэтин түһүлгэтин сахалыы оҥоһуктарынан, араас ойууларынан, иһиттэринэн - хомуостарынан кэрэтик киэргэттэ. Дьүүллүүр сүбэ түмүгүнэн, бары кыттааччылар миэстэлэргэ тиксибиттэрэ уонна араас оонньуурдарынан наҕараадаланнылар. "Кэрэчээн" оҕо садын "Дьоллоох Оҕо Саас Ыһыаҕа" үрдүк таһымнаахтык, үөрэ-көтө буолан ааста. Оҕолор сахалыы үгэстэри билэн-көрөн, кэнсиэргэ кыттан, спортивнай оонньуулары оонньоон, бэйэлэрин талааннарын арыйан, бииргэ түмсэн дьоллоох түгэннэри бэлэхтээтилэр. Маннык тэрээһиннэр оҕолорго саха норуотун култууратыгар тапталы иҥэрэргэ улахан суолталаахтар. Биэриини бэлэмнээтэ Колтовская А.Р.