🧵🪡 Хараҕа Надежда Кир «Иис-уус абылаҥа» быыстапката аһылынна — 21 мая 2026 г. в 11:51:16.317
🧵🪡 Хараҕа Надежда Кир «Иис-уус абылаҥа» быыстапката аһылынна 🏛 Хара үтүө түөлбэтигэр ыам ыйын 19 күнүгэр “Айыллаан” култуура киинигэр Арассыыйаҕа Норуоттар сомоҕоһууларын, Саха Өрөспүүбүлүкэтигэр Култуура сылларын чэрчитинэн Хара нэһилиэгин Бочуоттаах олохтооҕо, үлэ бэтэрээнэ Кир Надежда Хен “Иис уус абылаҥа” диэн айар үлэтин көрдөрөр быыстапка үөрүүлээх быһыыга-майгыга арылынна. 🧶 Быыстапка аһыллыытын “Айыллаан” култуура киинин режиссера Николай Васильев иилээн-саҕалаан ыытта. И.Г.Игнатьев аатынан Хара орто спортивнай оскуола 2 кылааһын үөрэнээччилэрэ ылбаҕай ырыаларынан тэрээһиммитин киэргэттилэр. ✂️ Бу дьоро күҥҥэ Надежда Хены эҕэрдэлээри, кини дириҥ суолталаах айымньыларын көрөөрү дьон-сэргэ тоҕуоруһа муһунна: “Хара нэһилиэгэ” тыа сирин түөлбэтин баһылыга Дария Назарова, “Айыллаан” култуура киинин дириэктэрин эбээһинэһин толорооччу Татьяна Степанова, “Кэрэчээн” оҕо уһуйаанын боропсойууһун бэрэссэдээтэлэ Февронья Сидорова, нэһилиэкпит аҕам саастаахтар түмсүүлэрин бэрэссэдээтэлэ Сардаана Пестрякова, “Сайаана” аҕам саастаахтар фольклор ансаамбылын аатыттан салайааччы Мария Романова, дьүөгэтэ Валентина Бурнашева, аймах-билэ дьоно уо.д.а. үтүө-мааны эҕэрдэ тыллары тиэртилэр. Сиһилии: https://xn--h1abcx8dca.xn--p1ai/98414-2/ @gazetaerkeii @ulusmedia