26 апрель - татар халкының бөек шагыйре Габдулла Тукайның тууына 140 ел тулу билгеләп ү... — 27 апреля 2026 г. в 16:28:18.464

26 апрель - татар халкының бөек шагыйре Габдулла Тукайның тууына 140 ел тулу билгеләп үтелде. Бу уңайдан Татарстаныбызда зур чаралар булып узды. Безнең "Ләйсән" балалар бакчасында да мәктәп укучылары, Кече Урыссу һәм Ташкичү авыллары китапханә хезмәткәрләре Солтанова Айгөл һәм Афлятунова Люция белән берлектә Габдулла Тукайга багышланган бәйрәм иртәсе үткәрелде. Бу чарада балалар кечкенә Апушның Кырлай авылында үткән балачагының иң күңелле чорын сәхнәләштереп, күңелле уеннар уйнап, шагыйрьнең әкиятләреннән килгән геройлар белән аралашып, Тукайның шигырьләрен сөйләп, җырлап-биеп бәйрәм иттеләр. Бәйрәм татар халкының гимнына әйләнгән "Туган тел" җыры белән тәмамланды.