МБДОУ "Тюнгюлюнский центр развития ребенка-детский сад "Олимпионик" МР "Мегино-Кангаласский улус (район)"
Лайфстайл · 23 апреля 2026 г.
«Хоһуун уол – 2026» — 23 апреля 2026 г. в 07:43:33.900
«Хоһуун уол – 2026» Мэҥэ Хаҥалас улууһун оскуола иннинээҕи саастаах уолаттарын байыаннай-спортивнай күрэҕэ Муус устар 23 күнүгэр Төҥүлүтээҕи «Олимпионик» оҕо сайдар киинигэр үгэскэ кубулуйбут «Хоһуун уол» улуустааҕы күрэх 10-с төгүлүн үрдүк таһымнаахтык ыытылынна. Быйылгы тэрээһин хас да бэлиэ түгэҥҥэ ананна: • Россия норуоттарын сомоҕолоһуутун сылыгар; • Россияҕа оскуола иннинээҕи үөрэхтээһин сылыгар; • Мэҥэ Хаҥалас улууһугар детсад тэриллибитэ 100 сылыгар; • Республика күнүн көрсө. Күрэх сыала-соруга • Күрэх сүрүн сыалынан уол оҕо спортка интириэһин тардыы, тулуурдаах, дьаныардаах буоларга иитии уонна патриотическай тыыны иҥэрии буолар. Кыттааччылар • Улуус 11 нэһилиэгиттэн саамай сымса, күүстээх уолаттар кэлэн күөн көрсүстүлэр: Майаттан «Кэнчээри», “Сардаана”, “Чуораанчык” Аллараа Бэстээхтэн «Сказка», Тумултан «Куоласчаан», Матта “Ньургуhун», Павловскай “Мичээр”, Балыктах «Звездочка», Хара “Кэрэчээн”, Төхтүр “Мичил”, Төӊүлү «Олимпионик» Дьүүллүүр сүбэ: Милан Михайлович Илларионов – Мэҥэ Хаҥалас улууһун үөрэҕин салалтатын иитии үлэтин отделын сүрүннүүр специалиһа, Баишев Леонид Васильевич–Төҥүлү орто оскуолатын физкультураҕа учуутала, Саха республикатын физкультура уонна спорт туйгуна уонна “Олимпионик” детсадыгар өр сылларга физкультура инструкторынан үлэлээбит, бу күрэҕи улууска биир бастакынан тэрийсибит, оҕолору ситиһиилээхтик кытыннарбыт Иван Иванович Игнатьев. Күрэх сүрүн түһүмэхтэрэ Уолаттар 7 араас хайысханан бэйэлэрин кыахтарын көрдөрдүлэр: 1. «Будущий защитник» – Строевой бэлэм уонна «Оҕо саас өрөгөй ырыатын» толоруу. 2. «Дойдубунан киэн туттабын» – Интеллектуальнай викторина. 3. Военизированнай эстафета – Түргэн-сымса буолууну тургутуу. 4. Төһөҕө саайыы – 7 см тоһоҕону маска саайыы. 5. Мас эрбээһинэ – 5х5 см бурууһу эрбээн түһэрии. 6. Быаны сүөрүү – Имигэс тарбахтар уонна булугас өй күрэҕэ. 7. Граната быраҕыы – 500 грамм ыйааһыннаах снаряды ыраахха быраҕыы. Күрэх түмүгэ Дьүүллүүр сүбэ быһаарыытынан бастыҥнар ааттаннылар: Миэстэ Кыттааччы аата Детсад (Нэһилиэк) Салайааччы Муҥутуур кыайыылаах🏆 Арсен Шестаков😍👏👏👏 «Олимпионик» (Төҥүлү) Попова Нь.С. I миэстэ Сарыал Харитонов «Звездочка» (Балыктаах) Стручкова Е.И. II миэстэ Дьулустаан Бурцев «Кэрэчээн» (Хара) Макаров И.И. III миэстэ Володя Винокуров «Мичээр» (Павловскай) Саввин А.А. Кыттааччылар бары туоһу сурук, анал аат, грамотанан наҕараадаланан, үөрэн-көтөн тарҕастылар.