Уолан гимназияҕа «Тиһэх чуораан» – кэрэ-бэлиэ түгэн! — 26 мая 2026 г. в 15:01:59.993
Уолан гимназияҕа «Тиһэх чуораан» – кэрэ-бэлиэ түгэн! Бүгүн, ыам ыйын 26 күнүгэр, Уолан гимназияҕа үөрүүлээх, долгутуулаах күн – олох аартыгар маҥнайгы хардыыны оҥорор выпускниктарбытыгар анаммыт «Тиһэх чуораан» тэрээһинэ буолла. Быйылгы үөрэх сылыгар 18 уолбут гимназиябыт эркиниттэн олох киэҥ аартыгар үктэнэллэр. Бу үөрүүлээх түгэни үллэстэргэ уонна эдэр саргы дьоммутун эҕэрдэлииргэ улууспут баһылыга Алексеев Василий Петрович, үөрэх управлениетын профсойууһун салайааччыта Готовцев Николай Николаевич уонна Мүрү нэһилиэгин баһылыга Румянцев Прокопий Федотович ыҥырыылаах ыалдьыт быһыытынан кыттыыны ыллылар. Степанида Алексеевна салайааччылаах 18 гимназист, бу үөрэх сылларын устата ситиһиилээхтик үөрэнэн, билии-көрүү үрдэллэрин дабайдылар. Күндү выпускниктар, ытыктабыллаах кураторбыт Степанида Алексеевна! Эһигиттэн биир кэлим экзамэннэри ситиһиилээхтик туттараргытын, кэлэр олоххутугар дьолу-соргуну, чөл туругу баҕарабыт. Саҥа үрдэллэри дабайыҥ, төрөөбүт дойдугутун ааттатыҥ, үрдүккэ дьулуһуҥ!