Быйыл үбүлүөйдээх «Бианковскай ааҕыылара» «Айылҕа – биһиги дьиэбит» (“Природа – наш общ... — 23 апреля 2026 г. в 07:16:38.178
Быйыл үбүлүөйдээх «Бианковскай ааҕыылара» «Айылҕа – биһиги дьиэбит» (“Природа – наш общий дом”) муус устар ый 20-21 күннэригэр 15 төгүлүн ситиһиилээхтик ыытылынна. Манна уопсайа 233 оҕо көхтөөх кыттыыны ылла. Быйылгы 15-с төгүлүн ыытыллар Бианки ааҕыыларын темата «Айылҕа — биһиги дьиэбит». Бу ый устата ыытыллар тэрээһин курэхтэрэ: 1. Саҥа сүүрээн быһыытынан улуустааҕы кэтэхтэн олимпиада. Эрдэттэн бэриллибит айымньылары ааҕан ол чэрчитинэн ыйытыылар. Төрөппүттэргэ оҕолоро ааҕыахтаах айымньылара бэриллибиттэрэ. Бу оҕо айылҕаҕа, төрөппүккэ уйан сыһыаннаах буоларыгар үөрэтэр кэпсээннэри оҕону кытта бииргэ ааҕан кэпсэтэр тоҕоостоох буолуо диэн төрөппүттэргэ ыытан аахтардыбыт. Төрөппүт оҕону ааҕыыга көҕүлээтэҕинэ эрэ оҕо ааҕыыга сыстарын умнумуохха. Олимпиадаҕа 81 оҕо, 67 улахан киһи кытынна. 2. Дьиэ кэргэнинэн кыттыылаах хаартыска курэҕэ. Темата: Ийэ сир быйаҥа. Манна төрөөбут айылҕаҕа сылдьан: от үлэтэ, балыктааһын, сир астааһын түгэннэрэ көрүлүннүлэр. 3.Дьиэ кэргэнинэн күрэх — оҥоһуктар темалара «Тыыннаах айылҕам олохтоохторо». 4.Натуралист кэтээн көрһһлэриттэн» конкурс — ааҕыылар «Айылҕа — биһиги дьиэбит» диэн темаҕа ыытылынна. О5олор уонна кинилэр төрөппүттэрэ көхтөөхтүк кытыннылар. Оҕолорун ситиһиилээхтик кытыннарбыт учууталлар: Николаева Л.А., Алексеева М.В., Николаева Н.И., Рахлеева М.П., Софронова М.Е.