МБОУ "Амикеевская ООШ" Муслюмовского муниципального района РТ/ ТР Мөслим муниципаль районы Әмәкәй төп гомуми белем бирү мәктәбе
Образование · 2 июня 2026 г.
Тугызынчы сыйныф укучылары өчен дәүләт йомгаклау аттестациясе (ГИА-9) башланды — 2 июня 2026 г. в 15:57:33.024
Тугызынчы сыйныф укучылары өчен дәүләт йомгаклау аттестациясе (ГИА-9) башланды Бүген, 2 июньдә, Татарстан Республикасында имтиханнарның төп чоры старт алды. Бу – һәр чыгарылыш укучысы өчен мөһим һәм дулкынландыргыч этап. ТР Мәгариф һәм фән министрлыгыннан алынган мәгълүматка караганда, быел сынауларда республиканың гомуми белем бирү мәктәпләреннән 48 меңнән артык укучы катнаша. Мөслим районында быел 9 нчы сыйныфны 255 укучы тәмамлый. Бүген укучылар математика фәненнән имтихан тапшырды. Алда аларны рус теле (9 июнь), информатика һәм чит телләр (6 июнь), шулай ук сайлап алынган фәннәр буенча имтиханнар (5, 16 һәм 19 июнь) көтә. Резерв көннәр: 29 июнь — математика; 2 июль — рус теле; 3 һәм 6 июль — калган барлык фәннәр. Өстәмә көннәр итеп 3–25 сентябрь аралыгы билгеләнгән. Барлык 9 нчы сыйныф укучыларына ышаныч, уңышлар һәм җиңел биремнәр телибез! Фото - «Татар-информ», Владимир Васильев. #Мөслим_мәгарифе