Актанышка экскурсия. — 21 мая 2026 г. в 18:16:11.378
Актанышка экскурсия. Уку елы тәмамланып килгән көннәрдә Богады мәктәбенең 2-5 класс укучылары бүгенгесен истә калырлык, файдалы итеп уздырдылар - Актанышта экскурсиядә булдылар. Бар табигатьнең яшелгә төренеп, агачларның чәчәк аткан вакытында Парк, уен мәйданчыларын күзәттеләр. Татарстан Республикасы Актаныш муниципаль районы Башкарма комитеты архив бүлегендә кунак булдылар. Бүлек хезмәткәрләре Мингазова Фәйрүзә Марсель кызы, Исламова Ильмира Шамил кызы, Саетгараева Лотфия Хәбибьян кызы ачык йөз белән каршы алдылар, эшчәнлекләре белән таныштырдылар. Балалар архивта нинди документлар саклана,кемнәр кайчан мөрәҗәгать итә ала кебек сорауларга җавап таптылыр. 69 ел элек язылган документны балалар хәзерге кәгазь белән чагыштырып та карадылар. Архивта укучылар катнашында нинди конкурслар үткәнен дә белделәр. Кечкенә, әмма кызыклы музей почмагы белән дә таныштылар. Фәйрүзә Марсель кызы мондый очрашулар күбрәк булсын иде дигән теләген белдерде. “Туган якны өйрәнү” музееның да кайчан гына килсәң дә ишекләре һәрчак ачык. Экскурсиянең киләсе тукталышы – биредә. Хезмәт куючы һәркем ачык йөз белән каршы алды. Чиста, бай музей бүлекләре буенча , экскурсовод Алеся эчтәлекле, файдалы материаллар җиткерде, яңалыклар белән таныштырды. Экспонатлар шулкадәр күп барысын да өйрәнеп бетеп булмый, тематик дәресләрне дә биредә уздыру өчен без сезне көтеп калабыз дип озаттылар кызлар. Бүгенге сәяхәт күңелле булды.